Empezamos unha nova viaxe!

No noso itinerario ou roteiro de viaxe tivemos un amplo abanico de destinos ou paradas que nos fixeron crecer e nutrirnos como profesionais e persoas.

Cordas representa todo o que aprendemos durante este longo e apaixonante viaxe pola reeducación e a vivencia de diferentes experiencias durante estes 20 anos.

Algo que nos caracterizou durante esta aventura foi a perseveranza, a creación, a innovación, a investigación, a formación e algo que non debe faltar, o bo humor e o amor pola nosa profesión.

Varios foron os nosos destinos: viaxes incesantes a toda España para formarnos, creación de proxectos innovadores en Servizos Sociais, centros de intervención única e interprofesional, colaboración e creación de proxectos educativos e sanitarios dentro e fóra da nosa comunidade…, pero sen dúbida este último destino é o que afrontamos con maior madurez, ilusión e enerxía!!

Como compañeiras de viaxe eliximos ao noso equipo de logopedistas e psicólogas que sen dúbida comparten a nosa forma de viaxar, xerando en nós emocións positivas e contribúen incesantemente a aumentar o benestar dos nosos usuarios.

Necesitabamos viaxar a un lugar acolledor, cómodo e rodeado de espazos verdes que nos permitise desenvolver a nosa actividade dunha forma pracenteira. A amplitude dos espazos con máis de 150 metros cadrados, debidamente adaptados para persoas con mobilidade reducida e unha contorna que nos permite levar a cabo unha atención plena en contornas naturais fan do noso centro, un lugar pracenteiro que convida a quedar. (zonas de lecer, áreas comerciais, parques…)

Anímaste a tirar da Corda?

Cordas é unha metáfora, ao tirar da corda accionaremos a rede neuronal que nos permite establecer múltiples conexións que nos farán pensar, comunicar, movernos, soñar e emocionarnos.

Ata aquí o noso caderno de bitácora, que sen dúbida seguiremos enchendo porque aínda temos…

MOITA CORDA…!!!